مسرحية مدرسية مضحكة عن محو الأمية

ولا يهمك انا عندي مسرحية فكاهية عن محو الامية للكبيرات الامهات ايام قبل يوم راحوا يتعلموا اللي بالاربعين واللي بالستين وانت ضيفي عليها مثل ما اتحبي
اول شي تدخل المعلمة الفصل : السلام عليكم
يردوا الامهات: وعليكم السلام بنت من انت؟
وتلقف الكلام وحدة ثانية : انت متزوجة ..
المعلمة توقف حيرانة تجاوب فلانه بنت فلان
ترد الامهات : ايوه بيت فلان شصيروا لك ؟؟
ما يصيروا لي شي
ترد عليها الحرمة ايوه بتعجب
وتحتار ذيك المدرسة من كثرة الاسئلة
لا مو متزوجة
يحليلك ليش اتوظفت وما اتزوجت ضاعت المعلمة في الزحمة
وراح اليوم الاول على هالمنوال
وتمشي الايام وتجي حصة الكتابة : تلف عليهم تكتب اسماءهم بعد ما علمتهم الحروف
شسمك انت يا امي : اسمي ام احمد
لا لا اسمك يعني انا امل انت ايش
ترد عليها احترمي من اكبر منك بعد ما كبرت تناديني باسمي وتزعل الام وتضطر المعلمة المسكينه تعلمها اسمها: ام احمد
وانت شسمك
حشيمه
طيب اول حرف من اسمك ايش قالت حشيمه قالت لا اول حرف قالت شيم قالت المعلمة لا حشيمه حرف الحاء قالت لا الشيم هذا اسمي وانا ادرى فيه المعلمة تضبط اعصابها وتكمل معاهم
تنتقل المعلمة معاهم لحصة العربي
المعلمة : دخل عبدالله على خديجة " كتكوين جملة مفيدة"
قاموا الامهات يغطرفوا قالت وحده منهم مو زواجه الشهر الجاي ردت الثانية يمكن قدموه وما قالوا لنا قالت الثالثة انا رايحة اخانقهم ولا كأنا جيران وتقوم 3 تطلع اتحاول المعلمة تفهيمهم ما فيه فايدة
تكمل مع الباقي قالت في نفسها انبعد شوي عن الزواجات
سقط احمد من على الشجرة تصرخ ام احمد يا ويلي راح ولدي وتركض بره
تضيع المعلمة بين اللي هربت وبين اللي يعاتب المعلمة انها خرعت ام احمد
وتعجز تفهمهم انها جملة مفيدة
بعدين في هالزحمة تخطبها حشيمه لولدها عشان اتنجحها بالاختبار وتغششها الاسئلة هذا راي حشيمهاذا صارت المعلمة زوجة ولدها
غير بهذا كله تطلع وحدة من الامهات في عز الشرح ادويتها تسال المعلمة وين دواء الضغط ووين دواء السكر وتقول لها رحم الله والديك جيبي لي ماء
طبعا انا مرتين سويت هالمسرحية في مدرستين مختلفتين والبنات ابدعوا فيها يرتجلوا الكلام ويضيفوا شي جديد حسب ابداعاته
اتمنى ما طولت عليك

(( منقوووول للأمااااااااااااانة ))

هههههههههههههههه

رووعــه المسرحية

حماااااااااااااااس
مشكورةعلى هاي المسرحية صج تضحك[i]

تسلمين عزيزتي ع الموضوع والافادة....

والمسرحية ظريفة وهادفة

» مسرحية مدرسية عن اهمية الكتاب (( وقت الفراغ ))
» اذاعة مدرسية عن فوائد التمر وفوائدة لجسم الإنسان
» مسرحية صوت النحو عن كان وأخواتها
» مسرحية حق اسبوع الرياضيات
» مسرحية عن المشروب الصحي والمشروب الضار